Proxecto de lei de fomento e iniciativas empresariais

O PP ven de presentar fai uns días ao Parlamento galego, pola vía de urxencia, unha proposición de lei para impulsar proxectos empresariais eliminando trabas e reducindo prazos nas tramitacións. Sucede que entre esas trabas están cuestións relacionadas coas garantías legais á protección do medio ambiente e cuestións de interese público. Hai que ter en conta que non é o noso territorio destacado precisamente por un cumprimento estrito deste tipo de regulacións, co que esta iniciativa chega sobre una situación xa de por si problemática. Aquí podes ler un par de novas sobre o tema:

ENCE-ELNOSA na ría de pontevedra

Na práctica o que supón é reducir as ferramentas de defensa das comunidades afectadas ou os valores naturais fronte ás empresas e deixa ver unha vez máis unha clara posición de parte da administración en potenciais conflitos de interese. Con este tipo de medidas, por exemplo, sería moito máis difícil do que xa é facer oposición con certa posibilidade de éxito a un proxecto como o da mina de Corcoesto. A Xunta sitúase pois do lado dos intereses do negocio privado, en concreto os dos grandes grupos empresariais, fronte aos da poboación e medio natural (sempre que estes colidan, o que sucede cada día tal como funcionan as cousas).

Agora mesmo está aberta a fase de alegacións para os partidos da oposición no Parlamento e tamén a posibilidade de facer comentarios pola cidadanía na web desa institución. Tamén diversos colectivos están a moverse para facer algo ao respecto, pois a aprobación desta proposta podería darse no vindeiro mes de novembro.

Sería importante difundir isto para que non nolo colen pola porta de atrás, como sucede con tantas medidas da Xunta. Aquí tes o texto íntegro da proposta, por se queres revisalo. Tamén podes facer algún comentario na web do Parlamento, colaborar nas accións que vaian xurdindo como reacción a esta medida, reenviar este correo ou outro calquera sobre o tema aos teus contactos, etc.

Temos pouco tempo para poder mover a única vía que queda neste contexto de maioría absoluta e prazos urxentes, a da presión social, para que cando menos isto sexa coñecido e poida darse algo de debate público.

Graciñas.

Preme aquí para máis información

Advertisements

NON A PORTO CABRAL !!!

NON A PORTO CABRAL
A RÍA NON SE VENDE
Rede de asociacións ecoloxistas en defensa do territorio,
da natureza, da xustiza social e do patrimonio cultural
CONVOCA Á CIDADANÍA
Á XUNTANZA EN DEFENSA DO MONTE COMUNAL
QUE TERÁ LUGAR CON OCASIÓN DA ROMARÍA DO PAN DE MILLO
NO PARQUE FORESTAL DE COTOGRANDE, CABRAL
O DOMINGO 27, DE 12:00 A 14:00 H,
E DENUNCIA:


O intento, por parte da Xunta Reitora da Comunidade de Montes de Cabral,
de entregar unha parte do monte a un grupo empresarial multinacional

• En contra da vontade dos viciños e comuneiros,
• En contra da Lei de Montes,
• En contra do interese comunal e público, e
• A favor dos intereses privados da empresa e da propia Xunta Reitora

Os viciños e comuneiros xa fixeron oír a súa voz no ano 2013, en asemblea soberana, votando en contra do proxecto de Porto Cabral. Porén, a Xunta Reitora da Comunidade de Montes volve á carga, intentando a entrega de monte comunal, mediante a súa venda ou expropiación, a un grupo empresarial multinacional, para desenvolver un proxecto especulativo que é incompatible:

• Co aproveitamento económico sustentable do monte
• Cos valores naturais, arqueolóxicos e antropolóxicos do monte
• Cos fins que a Lei de Montes asigna ao monte comunal
• Co sostemento económico e a continuidade do comercio local

O proxecto consiste nun macrocentro comercial e de ocio. O grupo empresarial e a Xunta Reitora da Comunidade de Montes de Cabral tentan vender o proxecto coa falsa promesa da xeración de “milleiros” de postos de traballo. A falsidade de tal promesa está palmariamente demostrada pola realidade doutros centros da mesma empresa, ITU – Eurofund, noutros lugares do estado.

Non é ético utilizar a precariedade económica que sufrimos para tentar seducir nin presionar á cidadanía para a aceptación do proxecto. Non é ético promover unha espuria declaración de utilidade pública do proxecto para xustificar a expropiación dos terreos e o seu cambio de uso. Non é ético abandoar unha valiosa zona de monte comunal á súa destrución irreversible a prol do beneficio privado dunha grupo empresarial cuxa actividade comprometería a viabilidade do comercio local.

Non é ético nin racional perseguir un beneficio económico puntual a costa da destrución dos valores naturais, paisaxísticos, etnográficos e arqueolóxicos dunha zona de monte cuxo uso multifuncional ben planificado, e as conseguintes labores de recuperación, aproveitamento e mantemento, darían traballo e sustento a moitos cidadáns en condicións de sustentabilidade, que quere dicir perdurabilidade.

Os comuneiros, os veciños, o monte, os valores e a historia que o monte garda, precisan do noso apoio. Agárdannos. En Cabral. No monte de Cotogrande.

O próximo domingo, 27 de agosto de 2017
O MONTE NON SE VENDE

Despois de anos de deixadez por parte da Administración, o Movemento Ecoloxista celebra que, por fin, se faga cumprir o cupo de visitantes diarios ás illas Cíes

A demora de 14 anos en aprobar un PRUX por parte da administración e a manifesta irresponsabilidade de certas empresas navieiras, comprometen a conservación deste espazo natural e poñen en perigo a seguridade dos visitantes

A polémica das últimas semanas polo turismno desordenado nas Cíes pon de manifesto o que dende o ecoloxismo levamos anos denunciando: que a normativa de cupos de visitantes para as illas Cíes é incumprida de maneira sistemática por certas navieiras, sen que ata o momento se tomase ningunha medida seria de cara a atallar este problema por parte das autoridades competentes. Unicamente se impuxeron algunhas sancións que, pola súa escasa contía, compensan ás navieiras, comparadas cos enormes ingresos que se derivan de sobrepasar o tope diario de visitantes.

Seguir lendo

NON A PORTO CABRAL

DESPOIS DE QUE OS VICIÑOS FALARON, VOTARON E DIXERON NON A PORTO CABRAL, A Xunta Rectora volta cun novo intento de apropiación do monte veciñal para fins diferentes dos propios da súa natureza. Porto Cabral volta sair à palestra parece ser coa finalidade de contruir un macrocentro comercial, a expensas dun monte mancomunal

 

NECESITAMOS O VOSO APOIO PARA MÁIS QUE NUNCA BERRAR FORTE:

NON A VENDA OU EXPROPIACIÓN PARA FINS DO GRAN CAPITAL DO MONTE COMUNAL.

(O DOMINGO 27 ÁS 12:00H TODAS ESTAREMOS NO MONTE DE COTOGRANDE-CABRAL-VIGO NA ROMARÍA DO PAN DE MILLO )

PORTOCABRAL

Despois de case unha ducia de anos ao fronte da Comunidade de Montes de Cabral, em maio de 1999, a persoa que se puxera à fronte da Parroquia para reivindicar que os montes comunais foran propiedade dos viciños, dá por concluida a súa xestión polo que em maio dese ano , accede à presidencia o actual presidente (Luís Rodríguez),que leva xa 18 anos no cargo. Nun principio e durantRe un periodo corto de tempo foi tamén presidente da Asociación de viciños.

O interés polo monte de Cabral ven xa de antigo. A finais do ano 1999 , com tan só un ano no cargo, suscitouse o primeiro enfrontamento na CM de Cabral pola criación dunha praza de touros e propúñase como ubicación Cotogrande.

Seguir lendo

Os lumes de Portugal confirman que a deseucaliptización de Galicia é unha tarefa urxente

Ante a vaga de incendios que asola Portugal e considerando a extrema gravedade dos acontecementos, desde os grupos promotores da Asemblea Contra a Eucaliptización queremos destacar:

  1. A xestión das emerxencias por grandes incendios, sendo fundamental para evitar o agravamento da súa incidencia, especialmente no tocante á posta en perigo de vidas humanas, non debe deixar en segundo plano a existencia de factores relacionados coa política forestal e de usos do monte.
  2. Recoñecendo a complexidade dos problemas asociados á xestión do monte e á prevención e combate do lume, é preciso asumir que a frecuéncia e intensidade de grandes incéndios é un fenómeno relativamente recente, mui posíbelmente favorecido polas mudanzas climáticas. Mais tamén é innegábel que a súa aparición se remonta aos decénios dos anos 70 e 80.
Incendio acontecido este pasado sábado en Corcoesto nunha zona de eucalipto-Foto-Petón do Lobo

Incendio acontecido este pasado sábado en Corcoesto nunha zona de eucalipto-Foto-Petón do Lobo

 

 

 

Seguir lendo

A Foz do Miñor declarada Lugar de Especial Interese Paisaxístico (LEIP)

A Ría Non se Vende, Luita Verde e a Plataforma pola defensa dos Montes do Morrazo, fixeron alegacións ao Catálogo das Paisaxes de Galicia, solicitando a inclusión no mesmo da Foz do Miñor como Área de Especial Interese Paisaxística (AEIP).

foto424O resultado foi a estimación parcial da solicitude e a declaración da Foz do Miñor como Lugar de Especial Interese Paisaxístico (LEIP).

foto525

Esta é unha medalla máis a engadir á larga lista de figuras de protección das que pode presumir a Foz do Miñor, figuras que levan aparelladas lexislación que deberían protexela medioambientalmente, como son:

Lástima que ningunha delas sirva polo de agora para que as administracións poñan freo, dunha vez por todas, aos diversos ataques medioambientais que está a sofrer a zona desde hai demasiado tempo.

Non será por medallas. Non será por lexislación. Non será por valores a preservar. Non será por paisaxe. Non será pola cidadanía que respondeu moi positivamente ás chamadas para a protección da zona.

 

Por que será? Preguntámonos.

ARNSV apoia o texto de adesom para colectivos sociais, organizaçons e sindicatos sobre a “Operación Jaro”.

Relación de colectivos que apoian o comunicado:

Jaro

Afiadoras de Fútebol Gaélico
Agir
Agora Galiza
A Riada do Tea
Associaçom Antifascista Jimmy Sempre com Nós
Associaçom Cultural Amigos da Cultura de Ponte Vedra
Associaçom Cultural Festival das Brétemas (Ponte Areias)
Associaçom de Luita Livre Olímpica Alacrám Vermelho (Porrinho)
Asociación para a Defensa Ecolóxica de Galiza (ADEGA)
Briga
Ceivar
Centro Social A Galheira (Ourense)
Centro Social A Gentalha do Pichel (Compostela)
Centro Social Auto-gestionário O Fresco (Ponte Areias)
Centro Social Faisca (Vigo)
Centro Social Harar (Noia)
Centro Social Mádia Leva! (Lugo)
Centro Social Revolta (Vigo)
Coletivo Nacionalista de Marim (CNM)
Comité de Solidariedade com os Presos e Presas Políticas
Confederación Intersindical Galega (CIG)
Fundaçom Artábria
Grupo de Acción Social (Vigo)
Movemento polos Dereitos Civis (MDC)
Mulheres Nacionalistas Galegas (MNG)
Partido Comunista do Povo Galego (PCPG)
Que voltem para a Casa!
Rede de Coletivos A Ria nom se Vende
Riazor Blues
Sociedade Cultural e Desportiva do Condado
Verdegaia
Xebra Associaçom (Burela)
Xeira

TEXTO DE ADESOM PARA COLETIVOS SOCIAIS, ORGANIZAÇONS E SINDICATOS
SOBRE A “OPERACIÓN JARO”.

Em 30 de outubro passado, nove independentistas galegas e galegos forom detidos pola Guardia Civil numha presunta “operación antiterrorista” e acusados de dous delitos de “integraçom en banda armada” e “enaltecemento do terrorismo” que poderiam supor anos de prisom.
As detençons estiveron acompanhadas dum importante dispositivo mediático que socializou a versom policial, condenando sem juízo prévio as nove pessoas detidas, vulnerando a sua presunçom de inocencia e ocultando o impulso político do operativo policial.
Agora, após a que se donominou Operación Jaro, estes cidadáns e cidadás galegas tenhen un processo penal aberto num tribunal de exceçom como é a Audiencia Nacional.
Além disto, a organizaçom política na que militavam, Causa Galiza, conhecida públicamente desde 2007 polo seu trabalho en favor de direito de autodeterminaçom da Galiza e da independencia nacional, foi suspendida durante um período de dous anos, o que equivale a umha ilegalizaçom de facto.

As organizaçons políticas, colectivos sociais, associaçons e sindicatos que convocamos a manifestaçom nacional “En defensa dos direitos civis e políticos para todas e todos. Nom á ilegalizaçom de organizaçons políticas” qaueremos fazer público o seguinte:

1º Exprimimos a nossa solidariedade com as nove pessoas detidas pola Guardia Civil, exigimos a retirada das graves imputaçons penais ás que estám submetidas no que é um novo caso de repressom política e denunciamos o carácter abertamente político da operaçom.

2º Exigim0s o levantamento da suspensom das atividades políticas que desenvolve a organizaçom política independentista Causa Galiza e condiçons para o pleno exercicio das liberdades de reuniom, associaçom e manifestaçom para todos os galegos e galegas. Nengumha opiniom nem ideologíaagás o racismo e o fascismo-podem ser “ilegalizadas”.

3ºDenunciamos o proceso de fascistizaçom do regime espanhol, que é manifesto nesta tentativa de criminalizar e deixar fora da legalidade o independentismo organizado, a imposiçom de normativas como a Lei Mordaça, a aplicaçom sistemática de sançons penais e administrativas ao protesto e a mobilizaçom social, etc.

4º Polas razóns arriba expostas, convocamos a sociedade galega a se manifestar no próximo 24 de janeiro ás 12:00h desde a Alameda de Compostela a, unindo numha soa voz a denuncia de todos os sectores sociais, políticos e sindicais contrários a processos e vulneraçons de direitos humanos, constitucionais e políticos como os que estamos a contemplar.

Na Galiza, em 9 de janeiro de 2015.