Luns 1 de setembro: Asemblea de colectivos diante do Plan Vigo Íntegra

A RÍA NON SE VENDE convoca para este luns día 1 de setembro, unha reunión de representantes de colectivos de todo tipo (asociacións veciñais, culturais, ecoloxistas, sociais, etc.) para tratar sobre o Plan Vigo Íntegra e valorar a posibilidade de actuacións conxuntas contra ese disparate.

Convidamos a todos os colectivos interesados.

Día: luns, 1 de setembro
Hora: 20:00
Lugar: Asociación de Veciños de Coruxo. Avda. Ricardo Mella
(Na antiga estación do tranvía)

O Plan Vigo Íntegra afecta, ademais da propia cidade, ás comarcas do Morrazo, Val Miñor, Rosal, Baixo Miño, Condado-Paradanta, Redondela e área de Pontevedra.

Promove a construción de 243,8 quilómetros de autovías e 82.4 quilómetros de estradas de circunvalación, variantes e carreteiras de conexión con vías de alta capacidade.

Estas actuacións provocarían un enorme e irreversible impacto ambiental no seu ámbito de actuación, tanto dentro da propia cidade como por toda a área de influencia antes citada. Erosión do solo, fragmentación do territorio, efecto barreira que racha e divide vilas e parroquias, fenda xeolóxica, recheo de vales e leitos fluviais, perda de biodiversidade, ocupación de solo rústico, afectación do patrimonio cultural e arqueolóxico, expropiación de leiras e vivendas, etc.

Baseado nun modelo obsoleto de mobilidade, este plan esquece totalmente o transporte público, estimulando aínda máis a utilización do vehículo privado e o movemento de mercadorías por estrada, xerando máis contaminación (atmosférica e acústica) e aumentando aínda máis a nosa xa grande dependencia do petróleo.

A Xunta de Galicia, promotora do disparate, segue así un modelo de transporte errático, erróneo, extemporáneo e caduco hipotecando o futuro e enterrando en asfalto centos de millóns de euros.

Advertisement

Contestación ás declaracións de Jacinto Parga, presidente de Portos de Galiza repecto aos ecoloxistas: “hay que cambiar la cultura folclórica de la reivindicación sin argumentos”

O colectivo de veciños e veciñas Bouzas-móvete fixo 50 alegacións ao Plano Director de Instalacións Nautico Deportivas, tamén se fixeron alegacións desde outros colectivos ambientalistas e sociais da Ría de Vigo, desde outras zonas do litoral galego e desde a rede “Galiza Non Se Vende”

Todas estas alegacións son muitísimos argumentos en contra do Plano Director que pretende ceder o litoral galego aos intereses especulativos dos grandes grupos económicos e especulativos.

Resulta coherente que utilice a palabra folclórica de xeito despectivo, unha persoa que pretende destruir a identidade colectiva das vilas mariñeiras, o noso patrimonio marítimo e a nosa paisaxe formigonando o litoral.

A RÍA NON SE VENDE DENUNCIA AO PORTO POR VERTIDOS

A rede de colectivos A Ría Non Se Vende vimos de denunciar diante do Xulgado de guarda:

1- que o Porto de Vigo estivo, até agora, vertendo impunemente ao mar as aguas residuais que se xeneran nos peiraos do Berbés porque carecen de conexión coa rede xeral.

Agora din que van fazer esa conexión coa rede e envialas até a estación depuradora do lagares para o seu tratamento. O que dito de outro modo é botarlas no medio da ría que se nota menos, xa que esta depuradora verte á Ría cada segundo 900 litros de agua sen tratar. O seu funcionamento é un desastre e a macrodepuradora que pensan construir no mesmo sitio tampouco vai funcionar porque non está proxectado realizar separación das aguas residuais, das pluviais e das industriais. Ao non separar os tres tipos de aguas os vertidos industriais impedirian que se realice o tratamento dos residuos e cando chovera muito saturaríase polas pluviais.

2- Que o polígono industrial do recheo de Bouzas tampouco ten ningun tipo de saneamento, polo que todos os residuos van direitamente para o mar provocando outro ponto negro de contaminación dentro da Ría. E aquí xa haberia que falar de aceites hidrocarburos pinturas, etc. que terian que ser tratados independentemente do sistema de saneamento da cidade. O mesmo pasa co resto das instalacións portuarias da Ría.

Será que non se deron de conta até agora de que non existe saneamento no porto? Como é posibel que se gastasen milhons de euros en paginas de prensa con publicidad sobre a urxencia das ampliacións e sobre proxectos fantasmagóricos como o proxecto Nouel, unha noria no porto, restaurantes, piscinas, etc e non se plantearan ate agora as obras de saneamento?.

3-Que o porto de Vigo pretende verter entre as illas de Ons e Sálvora 148.000 toneladas de lodos contaminados con metais pesados, hidrocarburos e restos de saneamento, procedentes do dragado para gañar calado nas dársenas do Berbés.

O porto vigués proxecta verter xunto a Sálvora 150.000 toneladas de lodo contaminado

O Parque Nacional das Illas Atlánticas, entre as illas de Ons e Sálvora, é o lugar escollido pola Autoridade Portuaria de Vigo para verter 148.000 toneladas de lodos contaminados procedentes da zona do Berbés, que se dragará para gañar calado.

As dársenas pesqueiras do Berbés son o lugar onde se vertían, ata hai dez anos, cando se estreou a inoperante depuradora do Lagares, todas as augas residuais da cidade e o sitio onde seguen desaugando hoxe todas as empresas instaladas no porto, que aínda, en 2008, carece de conexión coa rede de saneamento. Metais pesados, clorobifenilos, e hidrocarburos completan a mestura contaminante da zona, como revelan diversos estudos sobre a contaminación da ría, que coinciden en considerar este punto como o máis contaminado.

O porto, en cambio, cualificou o material de dragado como Categoría II, de acordo coa clasificación realizada polo Centro de Estudos e Experimentación de Obras Públicas (CEDEX), o que permite vertelo ao mar sen tratamento previo ningún.