UN BOSQUE PARA UNHA BOLBORETA

proxecfermo12.jpgAnabam, Asociación Naturalista “Baixo Miño”, con motivo da celebración o 21 de marzo (Semana Santa) do día Mundial Forestal, organiza para este sábado 15 de marzo, ás 16:00 hs., unha plantación de Érbedos, nunha parcela cedida pola comunidade de Montes de Camposancos a carón da área Recreativa de Chans (Camposancos-A Guarda).

A plantación desta especie arbustiva, resposta a recrear o habitat da bolboreta Charaxes jaius (unha das bolborestas máis fermosas que voan en Galicia), da que a súa existencia depende dos érbedos.

Os primeiros 150 érbedos (Arbutus unedo) cos que se iniciará o proxecto UN BOSQUE PARA UNHA BOLBORETA, proceden de viveiro, teñen unha altura comprendida entre os 50 cm e algo máis de 2 metros, sendo adquiridos cunha subvención da Consellería de Medio Ambiente e Desenvolvemento Sostible, invertindo nos mesmos 3.000 euros.

CADA SOCIO SEU ÉRBEDO:

Os socios de ANABAM poderán participar activamente neste proxecto de tal xeito que cada un poderá te-lo seu érbedo e contribuir así á protección e conservación dunha das máis grandes bolboretas de Galicia: a Charaxes jasius.

Os socios terán dúas formas de participar:
a/ Acondicionando a parcela e procedendo a plantar seu érbedo. Cada érbedo estará numerado para identificar perfectamente cada exemplar e disporá dunha ficha na que estarán os datos do mesmo “e os do seu propietario/a”.
b/ A outra forma de participación é apadriñando o érbedo (para aqueles que non poidan acudir). Neste caso o apadriñamento se consigue aportando un donativo de 10 euros por cada érbedo que desexe apadriñar. A asociación será a encargada de efectuar a plantación.

COLABORACIÓN DOS NON SOCIOS:

Os que non son socios de ANABAM tamén poderán participar neste proxecto. O érbedo poderá ser plantado pola persoa interesada, se así o desexa, ou ben farano no seu nome a propia asociación.

E hai dúas opcións:
a/ Colaborando como voluntario na plantación, acondicionamento e mantemento do erbedal,
b/ Apadriñando un érbedo (para aqueles/as que non poidades asistir). O apadriñamento se consigue cun donativo de 20 euros por cada érbedo que desexe apadriñar.p>

ANABAM suministrará o érbedo e unha ficha plástificada cos datos do mesmo: nº de érbedo; data da plantación; altura que ten o érbedo; Coordenadas do lugar; etc e o nome da persoa ou familia que o plantou, así @s participantes estarán unidos á natureza a través dun érbedo e dun proxecto do que tamén se forma parte.

@s interesad@s, podedes contactar previamente con ANABAM na súa sede en Rúa do Calvario, 44, A Guarda, no teléfono mobil, 616180557 ou no enderezo electrónico anabam.anabam@terra.es.

Advertisements

2 thoughts on “UN BOSQUE PARA UNHA BOLBORETA

  1. Onte acudín a A Garda,e participei na acción de plantación dos Érbedos. Cheguei tarde, porque botei mal os cálculos, tanto da situación xeográfica de A Garda, coma da distancia e o tempo que me levaría chegar aló, e por riba non levei mapa.
    Previamente a plantación de hoxe, realizaranse traballos de desbroce selectivo, con tractor, eliminando unha basta matogueira de acacias e deixando bidueiros e carballos dunha plantación anterior. Houbo voluntarios que levaron candansúa ferramenta de traballo, e eu tiven a sorte que me deixaron unha eixada, ainda que eu prefiro unha convinación de eixada ou o lagón, para limpar a capa superficial da terra, e a laia para profundizar o burato donde irá a árbore.
    A primeira capa do chan (duns 15 centímetros de profundidade) de toda a parcela, estaba composta de follas podres de acacia e dunha basta rede de raices de acacia que tapizaba o chan afogando o desenrrolo doutras especies vexetais.
    Esta capa de follas e raices de acacia que acabo de describir, lembroume que unha vez que fun testemuño da reproducción dun incendio, cando horas despois de extinguido o lume, este reproduciuse fora do perímetro de seguridade, pasando polo subchan, entre as raices e as follas secas das acacias.
    A conciencia e procurando a supervivencia futura de cada arbusto trasplantado, en escasas dúas horas, plantei seis érbedos.
    Antes de voltar a Redondela, xa marcharan a maioría d@s participantes. Seríamos entre adultos e nen@s uns 40. A xente nova recibiron como agasallo unha camiseta cun simpático debuxo do Estuario do Miño, e os adultos recibimos un interesante material didáctico, consistente nunhas publicacións (guías) de ANABAM:
    Cunchas arreboladas pola marea na costa do Baixo Miño; A fauna e o ser humano na prehistoria do Baixo Miño a través dos gravados rupestres; Biodiversidade na zona intermareal do Baixo Miño; A costa do Baixo Miño; Guía para andar polo estuario do Miño; Muiños do Folón e do Picón (O Rosal); Boletín de Divulgación ambiental “Carrizal”; e Ruta Ornitolóxica polo Baixo Miño (DVD). O rematar tamén ns ofreceron un anaco de roscón e bebida. Ademáis persoalmente agasallaronme cunha planta de Sobreira (quercus suber).
    En resumo, encantado da xornada de voluntariado ambiental de onte no Baixo Miño. Voltarei!

  2. Para aquel@s que estedes interesad@s nesta iniciativa, sabede que o vindeiro sábado 29 de marzo, ás 16:45, no lugar de Chans, no monte da Comunidade de Montes de Camposancos, repretirase a plantación de Érbedos. @s interesad@s denantes debedes inscribirvos en anabam.anabam@terra.es
    Máis info: http://www.anabam.org

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s