NOVA MANIFESTACIÓN CONTRA O PORTO DEPORTIVO DE MASSÓ

MANIFESTACIÓN
CONTRA O PORTO DEPORTIVO DE MASSÓ

Sábado 1 de Agosto as 20:00h dende a alameda vella de Cangas

Porto ilegal
sen licencia municipal
sen Plan de Usos
sen Plan Especial
sen PXOM

Destrúe postos de traballo
destrúe a ría
ameaza ao pequeno comercio
para beneficio duns poucos
saltando leis e acordos de goberno
con represión policial brutal

PARALIZACIÓN XA!!

www.cangasnonsevende.org

Advertisement

Gratitude desde a Coordinadora de Crentes Galegos/as

Compañeiras/os:

 

Despois de solidarizarnos onte publicamente polas rúas coruñesas, cos e coas compañeiras/os detidos en Cangas, por loitar pola saúde ecolóxica, paisaxística e económica e, encontra do deterioro da costa.

 

Desde a Coordinadora de Crentes Galegos/as queremos enviar unha agarimosa e solidaria aperta, de forma xeral a tódalas/os que diariamente ou ocasionalmente loitan pola causa en Cangas; e  en particular a os que foron detidos/as.

 

A nosa máis profunda gratitude pola súa xenerosa entrega.

 

Coordinadora de Crentes Galegos 

comunicado de luita verde sobre as agresions da garda civil en massó

O Grupo Ecoloxista Luita Verde denuncia os abusos e a violencia con que se ensañou a Garda Civil o pasado luns 20 de xullo pola mañá nas persoas concentradas contra a construcción ilegal do porto deportivo de Massó en Cangas.

Entre das 16 persoas detidas estiveron dous membros de Luita Verde, Cándido Martínez e Ricardo Sanchez, que facendo en conxunto unha acción de asentada pacífica contra dunhas obras ilegais e perxudiciais contra do medio natural e a ría puideron obervar in situ as malas maneiras e as agresións por parte dos antidisturbios nas cargas, que causaron lesións a varias das persoas concentradas entre eles Ricardo Sánchez, que resultou pisoteado e agredido de porra nunha das súas pernas concretamente no tornocelo onde en vez de oso ten placas de metal con parafusos, sendo extremadamente dolorosos os golpes recibidos, tendo que ser ingrasado no hospital POVISA de Vigo para o seu tratamento.Tamén denunciamos que a parte das agresións físicas recibidas polos antidisturbios estivo a actitude agresiva e vexatoria por parte de varios membros adscritos ao Cuartel da Garda Civil de Cangas, nunha actitude de permanente de provocación e agresións verbais.

GNSV interpela ao Delegado do Goberno en Galiza, D. Antón louro

Ante os gravisimos feitos que tiveron lugar, unha vez máis en Cangas, o pasado día 20 e superaron todos os límites por canto a Garda Civil levou a cabo unha inxustificada e brutal carga contra @s veciñ@s, entre eles numerosos ecoloxistas pertencentes á rede Galiza Non Se Vende, detiveron a 16 persoas (6 quedaron detidos ata o día seguinte) incluída unha concelleira, con tres feridos (un compañeiro de Luita Verde convalecente dunha fratura de perna que tivo que ser hospitalizado nunha clínica, unha rapaza que se servía de muletas para andar , e un compañeiro do Foro Social de Cangas) que estaban protestando pacificamente contra as obras ilegais do porto deportivo de Massó e que é a punta de icebergue da macrourbanización ao estilo do Mediterráneo que se pretende construír en Cangas, o que supón un precedente terrible para a costa galega, e tras non recibir contestación algunha do escrito entregado nesa Delegación o día 2 de xuño tras os graves sucesos ocorridos o día anterior no cal solicitabamos unha xuntanza o antes posible con vostede.

Reportaxe sobre as 16 detencions em Massó

http://gzvideos.info/reportaxe-sobre-as-16-detencions-en-masso/

Greenpeace pide a paralización das obras do porto deportivo de Massó e demanda un proceso de diálogo ao Concello e á autoridade portuaria

En relación coa actual situación xerada en Cangas polas obras do porto deportivo de Massó, a organización ecoloxista Greenpeace pide a paralización inmediata das mesmas polo grave impacto ecolóxico que o recheo ocasionará na área, e as perdas irreversibles para a explotación pesqueira e marisqueira. Greenpeace pediu ás autoridades, en relación coa detención de dezaseis veciños o pasado luns, que deixe de perseguirse aos que defenden o medio ambiente.

A pesar do seu gran impacto e as manifestas irregularidades na tramitación administrativa, Residencial Mariña Atlántica comezou as obras de recheo para a construción dun porto deportivo de 420 prazas, nunha zona pesqueira e marisqueira de gran valor biolóxico na que a Confraría de Pescadores de Cangas ten autorización para faenar (extráese sobre todo ameixa loura e navalla)desde 1972.

A Asociación Pola Defensa da Ría de Pontevedra solidarízase cos detidos en Cangas

Diante da desproporcionada e inxustificada intervención onte en Cangas dos axentes antidisturbios da Garda Civíl contra as persoas que dun xeito pacífico amosaban o seu desacordo coas obras de construción dun porto deportivo nos terreos da antigua fábrica de conservas Massó, a Asociación pola Defensa da Ría de pontevedra (APDR) quere facer público o seguinte comunicado:

1º.- Solidarizámonos cos detidos e feridos nesa intervención policial e amosamos o noso apoio decidido a todas cantas persoas e colectivos manifestan a súa oposición á costrución do antedito porto deportivo e, xa que logo, loitan pola defensa da ría e do medio ambiente natural. Por desgraza, son moitas as agresións que o noso medio está a sofrir a cotío e moitas tamén as ocasións nas que os intereses económicos e especulativos duns poucos son primados desde as administracións en contra dos dereitos da maioría a disfrutar da paisaxe, do medio ambiente e dunha calidade de vida digna.

COMUNICADO DE GNSV, SOBRE AS DETENCIÓNS EN MASSÓ

Galiza Non Se Vende. 20 de xulho 2009. Cangas

BRUTAL INTERVENCIÓN DA GARDA CIVIL EN CANGAS – MASSÓ

DEZASEIS PERSOAS DETIDAS

Hoxe en Cangas, unha vez máis, a intención de reiniciar as obras en Massó tinguiuse de violencia e represión, pero desta vez rebasou tódolos límites. Dende primeira hora da mañá, numerosas veciñas e veciños de Cangas, e membros de colectivos sociaise e ecoloxistas, que facían garda no Salgueirón, como cada mañá, para impedir as obras ilegais do porto deportivo de Massó, foron agredidos violentamente e detidos pola Garda Civil.
A rede Galiza Non Se Vende amosa a súa indignación por este novo acto autoritario, que criminaliza toda protesta lexítima en defensa dos valores da ría, e denuncia que, unha vez máis, a Garda Civil está a protexer intereses privados, protexendo unha obra ilegal con enorme impacto sociambiental, en vez de protexer e tutelar o interés xeral e colectivo e o respecto á legalidade vixente.

Luns 20, 16 detid@s en Massó por defender a Ría

O luns 20 de Xullo á mañá efectivos da Garda Civil detiveron a 16 activistas pertencentes á rede Galiza Non Se Vende cando se atopaban nas inmediacións das obras do porto deportivo que se están a desenvolver na antiga fábrica de Massó. Algúnhas das persoas detidas foron golpeados polas forzas da orde e posteriormente trasaladad@s a dependencias policiais. Seis d@s detid@s tiveron que pasar a noite no cuartelillo.