CORINA PORRO E LUIS LARA FORON DECLARADOS CULPÁBEIS NUN XUÍZO POPULAR POR DEGRADAR A RÍA

Xuízo popular celebrado ao remate da marcha contra os recheos o domingo 27 de Febreiro.

Xuiza: Ábrese a sesión xudicial popular do proceso sobre a degradación da ría de Vigo.

Acuden como demandantes: A rede colectivos sociais “A Ría Non Se Vende” e como demandados @s actuais responsabeis da Autoridade Portuaria de Vigo, Corina Porro Martinez e Luis Lara Rubido, presidenta e director respectivamente.

Que pasen a acusada e o acusado!.

 

Xuiza: Damos paso a acusación popular para que exponha os seus motivos de denuncia:

Acusación popular: A rede de colectivos “A Ría Non Se Vende” acusa a todos os responsabeis que pasaron pola Autoridade Portuaria de Vigo e en concreto os actuais: Corina Porro Martinez e Luis Lara Rubido, como culpábeis de varios delitos, ambientais, paisaxisticos, de prevaricación e administrativos, que son os que seguen:

1- Realizar recheos na ría de Vigo aterrando praias e bancos marisqueiros, perxudicando gravisimamente as condicións ambientais do medio mariño, alterando a dinámica de correntes e contaminando as aguas. Algúns incluso en zonas protexidas incluidas na Rede Natura.

2- Levantar polígonos industriais en espazo portuario con empresas alleas a actividade portuaria.

3- Especular co terreo gañado ao mar, para construir edificacións de todo tipo que nunca deberian estar nun porto como edificios administrativos, centros comerciais, salas de exposicións, campos de futbol, polideportivos, cafeterias, restaurantes…

II Marcha contra os Recheos (O Porto de Vigo)

Probablemente recoñeces isto:

É o Porto de Vigo

Queres saber como era en 1956?

 Preme na imaxe superior

Domingo 27 Marcha manifestación contra os recheos na Ría de Vigo

A rede de colectivos “A Ría Non Se Vende convoca unha marcha manifestación para este domingo 27 de Febreiro, que sairáás 12:00 da rotonda das áncoras de Bouzas e rematará na Laxe, onde se celebrará un xuízo popular contra @s responsábeis da Autoridade Portuaria de Vigo por estragar a nosa ría.

As reivindicacións desta marcha son as seguintes:

-Que se suspendan todos os recheios que se están executando na actualidade como o do Areal, ou están en proxecto, como o de Bouzas.

-Que se derruben todas as edificacións construidas en solo portuario e que non teñen relación directa cos traballos do porto, como: centros comerciais, restaurantes, oficinas administrativas, campos de futbol, salas de exposicións, almacéns de coches, naves de todo tipo de industrias e empresas espalladas polo porto.

-Que se levanten todos os recheios que non se utilizan exclusivamente para actividade portuaria.

-Que se recuperen as praias e bancos marisqueiros aterrados polos recheos.

-Que se derruben os portos deportivos construidos ilegalmente como o de Punta lagoa en Teis.

-Que se suspendan todos os proxectos de portos deportivos como o de Massó en Cangas.

-Que se retiren todos os valados portuarios e que a cidadanía poida acceder libremente ao litoral.

-E que o porto se adique exclusivamente ás actividades portuarias e non á construcción nin à especulación urbanística.

II Marcha contra os Recheos (ENCE e o Porto de Marín)

Probablemente recoñeces isto:

É o Porto de Marín e ENCE na ría de Pontevedra

Queres saber como era en 1956?

 Preme na imaxe superior

Andaina Pola Protección da Serra do Galiñeiro

Organiza:Plataforma pola defensa da Serra do Galiñeiro
DIA:DOMINGO 20 DE FEBREIRO DO 2011
LUGAR: PARQUE FORESTAL DO GALIÑEIRO
HORA: 10:30 DA MAÑÁ
TEMPO ESTIMADO:2,50 HORAS

Os Montañeiros Celtas e o clube Peña Trevinca, organizan un paseo por un antigo camiño, hoxe pista forestal, que rodea a Serra do Galiñeiro. Esperamos un grande número de asistentes. Queremos trasmitir á opinión publica que, ante os grandes valores da Serra do Galiñeiro, e ante as ameazas de degradación que penden sobre ela, unha gran maioria dos veciños dos 5 municipios que rodean a Serra (GONDOMAR, VIGO, MOS, PORRIÑO E TUI) queremos solicitar a súa clasificación como como ESPAZO NATURAL PROTEXIDO. Polo tanto, rexeitamos a instalación do PARQUE EÓLICO Previsto na Serra a do Galiñeiro, debido ás graves consecuencias que tería sobre este espazo:

II Marcha contra os recheos (A Marisma do Alvedosa)

Probablemente recoñeces isto:

 É a Marisma do Alvedosa en Redondela

Queres saber como era en 1956?

 Preme na imaxe superior

II Marcha contra os recheos (Cangas)

Probablemente recoñeces isto:

É a zona de Cangas

Queres saber como era en 1956?

Preme na imaxe superior

 

A RÍA NON SE VENDE SOLIDARÍZASE COS COMPAÑEIROS PROCESADOS POR DEFENDER A NOSA LINGUA

A rede de colectivos “A Ría Non Se Vende” solidarízase cos compañeiros Aurelio Lopez e Iusa Prado procesados xudicialmente polo simple feito de ter participado nunha concentración pacífica en defensa da nosa lingua. O fiscal , incomprensibelmente, píde penas que suman máis de oito anos de cadea, acusandoos de agresión contra a autoridade, cando na realidade foi a policia quen disolveu o acto cunha violencia irracional e esaxeradamente desproporcionada, aporreando aos compañeiros procesados.

Denunciamos este modelo de sociedade que exerce a represión indiscriminada contra os movementos sociais, baseada na violencia policial, nas sancións económicas, nas prisóns e na criminalización dos colectivos e persoas discrepantes coa política dos gobernos da Xunta e do Estado.

Con represión ou sen ela, as galegas e galegos vamos seguir defendendo o noso idioma, o noso patrimonio cultural identitario e o noso medio natural, e os preservaremos para as xeracións vindeiras, polo menos, nas mesmas condicións que nos chegaron a nós. Non imos consentir ningunha agresión máis á nosa lingua, igual que non consentiremos a destrución nin a privatización do noso territorio nin do noso mar, por muito que intenten silenciarnos ou criminalizarnos.

A RIQUEZA DA RÍA ESTRAGADA POLA IRRACIONALIDADE PORTUARIA

Os recheos realizados polo porto na Ría de Vigo, nas últimas décadas, afectaron, até a acabar con eles, a muitos bancos marisqueiros, uns foron directamente sepultados, outros estragados ao cambiar a dinámica de correntes e outros envelenados pola actividade portuaria.

Para frear esta barbarie depredadora a rede de colectivos “A Ría Non Se Vende” convoca a II Marcha contra os recheos que terá lugar o 27 de Febreiro, saíndo desde Bouzas e rematando na Laxe, onde se celebrará un xuízo popular aos responsábeis da Autoridade Portuaria de Vigo.

Os bancos marisqueiros desaparecidos son, segundo informa un vello mariñeiro:

• Bouzas “o maior banco marisqueiro do mundo” sepultado polo recheo. Producía Ameixa Babosa branca, e Ameixa babosa roxa pola parte de fora. Era unha ameixa especial. Perto da praia da Igrexa, hoxe tamén sepultada en gran parte, había moita “margarita” (Torallesa para os de Cesantes porque tamén había moita debaixo da ponte na parte de terra). Na zona da praia collíase moito moelo e burros. Tamén había un banco de ostras moi produtivo. Era o rei dos bancos marisqueiros en calidade e cantidade. Ía dende onde cargan os mercantes os coches polo Este ata pasados o farol de Cabo de Mar.

Segundo dados do Instituto de Investigacións Mariñas no ano 1967 a totalidade da zona do banco de Bouzas producía unhas 940 Tm. de ameixa. No ano 1985 a produción cifrouse en 10-15 Tm. No ano 1986 foi só de 1 Tm.

• Barreras-Ardán. Dentro dos molles. Esta debía ser unha parte antiga do banco marisqueiro de Bouzas que ao facer o molle quedou dentro e ata avanzados os anos 80 daba ameixa babosa branca. O Ardán era unha pedra ría adentro que aínda nos 70 tiña unha sinal de ferro para que os barcos non encaiaran. Daba moita ameixa babosa branca ate que “o lodo a e merda” o taparon.

• Molle de Transatlánticos. Nos anos 70 aínda se traballaba a “roxa” cando non viñan mercantes. E dentro, onde atracan os barcos de pasaxe de Cangas e Moaña (O Tubito) tamén se mariscaban as ameixas babosas brancas (con certo sabor a gasoil).

• Molle do Areal. Había ameixa roxa.

• A Punta-A Farola e cara Vulcano. No areeiro da Punta daba moito croque (berberecho). A Farola-A Punta, zona de moitísima ameixa babosa branca. A Farola- Vulcano, por fora, moitísima ameixa roxa. As Ameixas babosa branca e roxa eran moi boas, máis nunca coma as de Bouzas. Moi bo banco ata que os desguaces, nos 80, acabaron con todo. Os produtos químicos que usaban no final dos cascos foi mortal.

II Marcha contra os recheos. (Guixar)

Probablemente recoñeces isto:

É a zona de Guixar utilizada para o transporte de contenedores.

Queres saber como era en 1956? Preme na imaxe superior.