1º CONCERTO DA CARAVANA DE GALIZA NON SE VENDE

Galiza Non Se Vende sae á rua cunha caravana de concertos reivindicativos en 8 cidades e vilas galegas. O primeiro será o día 3 de xaneiro en Vigo, na Fabrica de Chocolate (Roxelio Abalde, 22) ás 21:00.

cvigo.jpeg

O goberno “bipartido” da Xunta, lonxe de marcar distancias coas viciadas e denostadas políticas anteriores, segue apostando por un vergonzoso continuísmo, caendo nas mans do capitalismo máis depredador en vez de apostar decididamente por estudar e aplicar modelos de sustentabilidade ecolóxica e xustiza social acordes coas demandas de Galiza e d@s galeg@s. Mesmo a actual crise pon de manifesto a febleza de este sistema económico que socializa as perdas das grandes empresas e privatiza as ganancias.

 

Seguir lendo

Advertisements

Delicto ambiental en Monteferro

puzzle.jpg

O colectivo Salvemos Monteferro ven de denunciar como delito contra o medio ambiente as ilegais e masivas cortas de arborado que se produciron nese espazo protexido durante as últimas semanas.

A primeira denuncia, presentada en novembro ante o Concello de Nigrán pola vulneración da protección que para ese lugar dictan as Norma Subsidiarias en vigor, tardou 36 días en desembocar na paralización cautelar dos traballos por parte de Xunta e Concello. Cinco semanas nas que as cortas seguiron a un ritmo trepidante, levándose por diante centos de árbores, para logo chegar á conclusión de que os autores da desfeita non contaban con ningún dos permisos preceptivos.

Por iso, na última denuncia presentada ante a Garda Civil (Seprona), solicitan “que se abra unha investigación para determinar en quen reside a responsabilidade de todas estas actuacións: tanto a que corresponda á Comunidade de Montes, autora material das cortas, como a dos que as autorizaron (se fora o caso), ou a dos que non as impediron tendo a obriga de facelo”.

Esta é a cuarta ocasión na que este colectivo denuncia cortas ilegais no mesmo monte. Na última, en marzo pasado, o Concello de Nigrán abriu un expediente á Comunidade de Montes por idéntico motivo, tras paralizar outra tala ilegal.

“Chove sobre mollado, afirman, e compre que dunha vez por todas se depuren as distintas responsabilidades. Ese é o camiño no que agora andamos, e por el seguiremos ata onde haxa que ir”.

Toda a información en www.salvemosmonteferro.org:

O BOSQUE DE MONTEFERRO,
CRONICA DUNHA MORTE PROFETIZADA

VIGO ÍNTEGRA NON, CARRÍS BICI SI

VIGO ÍNTEGRA NON:

far.jpgA asemblea semanal de colectivos da Rede A Ría Non Se Vende valorou moi positivamente a resposta cidadá á manifestación do pasado domingo día 30 en Vigo que, baixo o lema
“O asfalto non é progreso: Pola retirada do Plan Vigo Íntegra”,
congregou a máis de 1.000 persoas a pesar do frío e da chuvia persistente.

CARRÍS BICI SI:

Ante o publicado nalgún medio de comunicación, A Ría Non Se Vende quere deixar ben clara a súa postura totalmente favorable aos carrís bici, posicionamento que xa quedou explicitamente expresado no documento de convocatoria da manifestación, onde figura nun lugar destacado entre as alternativas que propoñemos ao Plan Vigo Íntegra.

voz2.jpg

O Plan proxecta unha única actuación deste tipo, entre Vigo e A Ramallosa. Nós promovemos a creación dunha rede de carrís bici que conecte toda a cidade de Vigo e que a enlace coas parroquias, vilas e comarcas da contorna, garantindo así a seguridade necesaria e facilitando o uso da bicicleta como medio de transporte. Polo tanto sobra dicir que estamos a favor dese carril bici, sumado a moitos máis, que conformen unha alternativa ao transporte motorizado privado. Algo factible e desexable que xa existe nun alto porcentaxe de cidades europeas e nalgunhas cidades do estado español. Aquí o único que falta é vontade política para implementala.

Se a isto se sumase unha boa rede de transporte público, urbano e interurbano, estariamos máis cerca do modelo de mobilidade e transporte que nós propomos, radicalmente diferente ao recollido no plano, absolutamente insustentábel e obsoleto.

O Plan Vigo Íntegra pretende construír 243,8 quilómetros de novas autovías e 82,4 quilómetros de estradas, sendo ese pequeno carril bici, de 15 km de longo, a única actuación que non vai exclusivamente dirixida a fomentar o uso do automóbil. Darlle tanta relevancia e protagonismo a ese carril é, como mínimo, pouco rigoroso dada a súa insignificancia dentro da magnitude do Plan.

A RÍA NON SE VENDE

A Manifestación na prensa: La Voz de Galicia,Faro de Vigo, El País,
Atlántico Diario, Galicia Hoxe, Vieiros, Xornal.com

Ler comunicado final manifestación

MANIFESTACIÓN CONTRA OS RECHEOS. Vernes 12 ás 19:30 en Redondela

octabilla-manifestacion-2.jpeg

O PORTO DE VIGO DEVORA A RÍA

O Porto de Vigo presidido por Jesús Paz Arias, conta no Consello de Administración entre outros, con:
Angel Rivas directivo de Hormigones Vigo
A. Paz Andrade directivo de PESCANOVA
J.F. Gayoso directivo de CAIXANOVA
Pierre Ianni director de PSA-CITROEN
J.M.Fdez. Alvariño concesionario de automoveis, e preside a Confederación de Empresarios de Pontevedra
Bonifacio Logares consignatario
Abel Caballero alcalde de Vigo
Xaime M. Rei alcalde de Redondela

NON HAI NESTE CONSELLO NINGUN REPRESENTANTE DOS MARIÑEIROS NIN AS MARISCADORAS, QUE SON O SECTOR MAIORITARIO QUE TRABALLA NA RÍA DE VIGO.

Este Consello de Administración é responsable de poñer en marcha o chamado PLAN PETTRA de recheos, comezando por RANDE onde se están formigonando 50.000 m2 de litoral.

O Plan PETTRA ten entre outros os seguintes obxectivos de expansión:

  Recheo m2 Formigonado m2 Peirao m
BOUZAS: 83.024 83.000 1.700
ESTACION MARITIMA: 25.000 25.000 600
AREAL-GUIXAR: 79.600 80.000 900
RANDE 24.000 83.000 1.100
PUNTA CHAPELISA 27.000 16.000 1.200
TOTAL……… 238.624 m2 287.000 m2 5.500 m

Esta expansión é negocio para uns poucos e será a ruína da maioría social dos cidadáns que viven directa ou indirectamente da actividade produtiva do marisqueo, da pesca, da acuicultura e das bateas.Para os que moramos no litoral será imposible compatibilizar a residencia coa actividade industrial e portuaria. O porto terá devorada a Ría que o acubilla.PODEMOLO PARAR ENTRE TODOS PARTICIPANDO NA MANIFESTACIÓN AUTORIZADA CONTRA OS RECHEOS NA RÍA, QUE TERA LUGAR O DÍA 12 DE DECEMBRO AS 7 E MEDIA DA TARDE DENDE O CAMPO DA FEIRA EN REDONDELA. PLATAFORMA EN DEFENSA DA ENSENADA DE SAN SIMON