A Ría Non Se Vende

…La aprobación del Plan de Utilización de los Espacios Portuarios condiciona la suerte de las concesiones correspondientes, tanto si se trata de las existentes como de las futuras. Lo hace, decimos, incluso respecto de las concesiones que ya existan pues pueden ser rescatadas si el desarrollo del Plan lo requiere (artículo 96. 5) y, en todo caso, cuando resulten incompatibles con las determinaciones del Plan de Utilización de los Espacios Portuarios, deben adaptarse a él (artículo 98. 1) El Plan, por lo demás, supone la afectación al uso portuario de los bienes de dominio público y de los bienes patrimoniales incluidos en la zona de servicio que sean de interés para el Puerto

 Extracto del 5º fundamento de derecho del RECURSO DE CASACION Num.: 6849/2009 – 09/04/2013

SENTENCIA del TRIBUNAL SUPREMO. (Sala de lo Contencioso-Administrativo)

Este extracto da sentencia firme do Tribunal Supremo do 9 de abril de 2013 referida ó Porto Deportivo e á urbanización que se pretendía construir en Massó (Cangas), evidencia un feito que as 20 Asociacións Ecoloxistas que formamos a Rede A RIA NON SE VENDE vimos denunciando ata a saciedade desde fai moitos anos: Non hai ningunha obra nin concesión realizada legalmente na xurisdicción da Autoridade Portuaria de Vigo dende o ano 1993 (no que entrou en vigor a Lei de Portos do Estado e da Mariña Mercante) ata hoxe, xa que o Porto de Vigo carece da preceptiva Delimitación de Espazos e Usos Portuarios (DEUP), antes Plan de Utilización dos Espazos Portuarios (PUEP).

 Despois de 22 anos á espera da aprobación de este crucial documento coidamos que se pode incurrir nun grave erro que vimos de denunciar. No documento da proposta de DEUP enviado ó Ministerio de Fomento para a súa tramitación e aprobación     en xuño de 2011 -modificada ata en tres ocasións (decembro de 2011, abril de 2012 e outubro de 2013), se considera zona de servicio do Porto de Vigo prácticamente toda a lámina de auga da ría, en base a unha obsoleta Orde Ministerial do 23 de decembro de 1966.

apvigo

Proposta de Delimitación dos Espaciós e Usos Portuarios da zona de servicio do Porto de Vigo – abril 2012

Seguir lendo

O Bernardo Alfageme en terra

Barcos á rotonda? Medre o mar!

 

           Sou humano, sou barco, sou tantas cousas (…)

        (…) e alí estou coa proa,

           as amuras, a popa, a barriga, o eixe…

            Eu sou mariñeiro, e o mar móllame a alma,

        salinízame e golpéame o corazón. (…)

                Xosé Iglesias, de Transfusión oceánica.

Desde A Ría Non se Vende queremos manifestar o noso apoio á veciñanza e colectivos que están a deter as obras de instalación dun barco nunha rotonda do barrio vigués de Coia. Dúas son as razóns argumentadas para tomar esta acción: o seu custe económico e o maltrato a un ben cultural como é un barco de altura con 70 anos de antigüidade, o Bernardo Alfageme, testemuño único da vida mariñeira do seu tempo.

coia Seguir lendo

Presentación galega do libro Del Amor, Ricardo Mella

Acción Libertaria II presenta Del Amor, Ricardo Mella

           O 10 de novembro de 1889 celebrabase en Barcelona o “Segundo Certamen Socialista”. O 15 de novembro de 1899 nacía en Pontevedra, Urania Mella Serrano. De aí que entre o 12 e o 15 de novembro deste 2014 demos en presentar en terras galegas Del Amor, libro que compendia os ensaios “Breves apuntes sobre las pasiones humanas” e “Del Amor: modo de acción y finalidad social”, textos do topógrafo e pensador libertario Ricardo Mella imprentados en Madrid este mesmo ano e que chegan agora a nosa terra da man dos seus editores, La Rosa Negra: http://proyecto.larosanegraediciones.com/

https://www.facebook.com/libreria.larosanegra

DElAMorcartazweb

          Catro xornadas, catro puntos xeográficos distintos  para coñecermos as razóns que motivaron á editorial madrileña a dar ao prelo estes textos do pensador vigués, ao tempo que afondamos na actualidade e utilidade do ideario do “Século de Ouro” do anarquismo español. Así, a través da pluma áxil e sinxela de Ricardo Mella recordaremos un claro, honesto e harmónico xeito de encarar a vida e a realidade social.

    Desta sorte, a primeira parada destes parrafeos será o mércores 12 en Betanzos na Libraría Biblos http://www.labiblos.com/; continuamos a viaxe e o xoves 13 xunto con Unión Libertaria http://unionlibertaria.org/ul/ apeámonos en Ferrol para visitar o lendario Ateneo Ferrolán http://ateneo-ferrolan.blogspot.com.es/. O venres 14 a parada terá lugar en Vigo na Hemeroteca da Escola de Artes e Oficios http://bibliotecadaemao.blogspot.com.es/, onde entre moitas outras mulleres e homes estudaron as irmáns Alianza, Esperanza, Urania e Luz. Finalmente, o peche deste traxecto será na emblemática Taberna Marrucho en Baiona https://www.facebook.com/marruchobaiona para podermos celebrar o 15 de novembro o aniversario de Urania a carón da súa familia e coas actuacións da banda folk A Bagunda http://abagunda.wordpress.com/ e do home máquina do ragga galego, Xenderal https://soundcloud.com/gendebeat/ .

Organiza: A Ría Non Se Vende, http://www.arianonsevende.org

 

EFEMÉRIDES

  • 10 de Novembro de 1889, Palacio de Bellas Artes, Barcelona, “Segundo Certamen Socialista” o topógrafo vigués Ricardo Mella participa neste certame literario -canda Anselmo Lorenzo ou Tarrida del Mármol entre outros autores- con seis traballos, todos eles premiados: “La anarquía: su pasado, su presente, y su porvenir”, “Breves apuntes sobre las pasiones humanas”, “La Nueva Utopía”, “El Colectivismo: sus fundamentos científicos”, “Organización, agitación, revolución” e “El Crimen de Chicago”.
 
  • 15 de novembro de 1899, nace en Pontevedra: Urania Mella Serrano, sexta descendente da parella formada por Esperanza Serrano e Ricardo Mella. En 1936, Urania será represaliada e o seu marido, Humberto Solleiro, asasinado. Mais, a rabia é maior ca dor e os berros da súa estirpe seguen na rúa loitando por unha terra viva e unha vida digna en redes como A Ría Non Se Vende ou a banda Dakidarría.

 

Defendámonos, logo, caladamente, con furia, ou con humor tibetano, pero non transixamos cunha soia agresión máis, porque os ataques están sendo máis sutís, máis cheos de argumentos, de falsa erudición, en nome do Progreso ou dunha incerta Irmandade Universal que só avanza cara á uniformidade tecnolóxica. Está en xogo a nosa supervivencia, e non só como Pobo, senón como seres humanos.

Lois Pereiro, Modesta Proposición

 

Gallaecia, novembro 2014

Nova ilegalidade en Massó

Despois de máis de nove anos de conflicto, e tras a sentenza do Supremo declarando a ilegalidade da concesión para porto deportivo en Massó, que estaba asociada cun proxecto especulativo en terra, e coa disolución polo xuiz da empresa Residencial Marina Atlántica S.A., parecía que as augas voltaban ao seu canle.

De feito, a Autoridade Portuaria de Vigo anunciaba a desafectación da zona e a intención de traspasar os terreos que alí administraba ao Concello de Cangas e ao servizo de Costas, licitando e aprobando un proxecto de acondicionamento ambiental, preceptivo para realizar a desafectación.

As obras foron adxudicadas por máis de 400.000 euros e comezaron en setembro, pero xa a mediados de outubro aparecen as primeiras sorpresas:

o que debera ser a simple retirada de entullos da praia coñecida como da cheminea convertíuse nun caso máis de aterramento ilegal da ribeira do mar.
fv20141031 Seguir lendo

Barrio do Cura.

Porque este barrio fai parte da nosa historia e somos nós os que queremos vivir aqui, e construir aqui os xogos, os soños, a partir de aquí dalgo que é de tod@s. Non deixemos que rematen as primaveras no Barrio do Cura e que fagan del algo que xa non nós será…queren arrincar un cachiño de historia e nós intentaremos que cada primavera volva abril ao barrio do Cura. A vida ainda non se esgotou neste Barrio que nace ao pé da ría.

Montaxe Miriam Rodriguez
Cámara Pablo Kaufmann
Texto e Voz Xabi X. XArdón

 

Domingo 13 de xullo: 3º Roteiro contra do desdobramento do corredor do Morrazo

(Montes de Domaio)

A Plataforma en Defensa dos Montes do Morrazo organiza o domingo 13 de xullo o terceiro roteiro contra do desdobramento en autovía do corredor de alta capacidade do Morrazo.

O percorrido cuxo trazado será circular, sairá ás 11 da mañá diante da capela de San Bieito en Domaio (Moaña), tendo prevista a volta ao mesmo lugar ás 13:30 h. Pasará polo núcleo rural da Costa, área de lecer de O Souto, sendeiro do rego e muíños da Freixa, A Devesa, paso, ponte das Meáns, Chan do Porco, sendeiro do rego da Miñouba, Poza da Moura, muíños da Maquina e de José María, paso elevado, Pedra do Navío, núcleo rural de Os Carballiños e Picouto do Gando, camiño do Prado, ponte e muíño do Rial, camiños do Soutiño e O Barquiño, Cruceiro do Carballo do Raposo, até chegar de novo diante da capela.

O percorrido coincidirá grande parte co sendeiro municipal de curto percorrido dos regos da Freixa e da Miñouba.

Para chegar ao punto de saída hai que coller a estrada PO-551 até o núcleo urbano da parroquia de Domaio, onde ao chegar ao paso peoníl con semáforos para coller (á esquerda si se ven desde Moaña ou á dereita si se ven da AP-9 de Rande ou da N-550 de Vilaboa) a estrada EP-1103 San Bieito-Verdeal no desvío existente entre a sucursal de Abanca e o bar Tropicana. A capela de San Bieito está á beira da EP-1103 a uns 500 metros da PO-551.

Pregamos ás persoas que vaian participar no roteiro a máxima puntualidade para sairmos na hora marcada e en previsión de haber un día solleiro e malia que o percorrido vai ser na súa maioría por camiños entre o arborado aconsellamos levar gorra, vestimenta lixeira e de trote, envase para auga e crema para a pel.

Por responsabilidade, ética e polo reducido tamaño do aparcadoiro diante da capela e arredores emprazamos a todas aquelas persoas que se acheguen en vehículo privado que traten de compartilo até enchelo.

roteiromorrazo3

Domingo 29 de xuño: 2º Roteiro contra do desdobramento do corredor do Morrazo

2º ROTEIRO CONTRA DO DESDOBRAMENTO DO CORREDOR DO MORRAZO
(Montes de Meira)

A Plataforma en Defensa dos Montes do Morrazo organiza o domingo 29 de xuño o segundo roteiro contra do desdobramento en autovía do corredor de alta capacidade do Morrazo.

O percorrido é circular con saída ás 11 da mañá e chegada ás 13:30h. no igrexario de Santa Eulalia de Meira (Moaña).

Percorrerase a carballeira de Bronlle, o núcleo rural de Quintáns, o sendeiro e muíños do rego Barranco do Faro, primeiro paso baixo o viaduto de A Mó, o Outeiro de Aviador, a área recreativa e miradoiro dos Parentes, a Pedra Furada, os montes de Meira, o petróglifo de Pozo Garrido, segundo paso baixo o viaduto de A Mó, a área recreativa e patrimonial da Torre de Meira, o núcleo rural de Pombal até chegar de novo ao igrexario.

Seguir lendo